Mohsin Naqvi Poetry - Mohsin Naqvi Sad Poetry - Mohsin Sad Poetry

Mohsin Naqvi Poetry

Mohsin Naqvi Sad Poetry

Bharkayen meri peyas ko aksar teri aankhen

Sehra mera chehra ha samundar teri aankhen

Phir kon bhala daad tabassum unhen de ga

Royen gi bohat mujh se bichar kar teri aankhen

Bojhal nazar aati ha bazahir muje lakin

Khulti hain boht dil ma utar kar teri aankhen

Ab tak meri yaadon se mitaye nahi mitta

Bheegi hui ek sham ka manzir teri aankhen

Mumkin ho to ek taza ghazal or bi keh lun

Phir orh na len khwab ki chadar teri aankhen

Yun dekhte rehna usey acha nahi Mohsin

Wo kaanch ka pekar ha or pathar teri aankhen

Poetry By Mohsin Naqvi

Karey safar ma agar rasta badlna tha

To ibtada ma mere sath hi na chalna tha

Kuch is liye bi to sooraj zameen pe utra ha

Pahariyon pe jami barf ko pighalna tha

Utar ke dil ma lahoo zehar kar gya aakhir

Wo saanp jis ko meri aasteen ma palna tha

Ye kya ke tohmaten atish fishan ke sir ayen

Zameen ko yun bi khazana kabhi ugalna tha

Main laghzishon se atey rastey pe chal nikla

Tujhe ganwa ke mujhe phir kahan sambhalna tha

Ajab naseen tha Mohsin ke baad marg mujhe

Charagh ban ke khud apni lehad pe jalna tha

Sad Poetry of Mohsin Naqvi

Kabhi kabhi…..

Kabhi kabhi to tere dukh ke zard patton ko

Saba ki god ma khushboo ne loriyan di hain

Kabhi kabhi to mujhe tu ne saans lene ko

Khud apni saans ke resham ki doriyan di hain

Sad Poetry Mohsin Naqvi

Bichar ke mujh se kabhi tu ne ye bi socha ha

Adhoora chand bi kitna udaas lagta ha

Ye khatm wasal ka lamha ha, rayegan na samjh

Ke is ke baad wohi dooriyon ka sehra ha

Kuch or der na jharna udasiyon ke shajar

Kise khabar tere saaye ma kon bethta ha

Usey ganwa ke main zinda hun is tarah Mohsin

Ke jese tez hawa ma charagh jalta ha

Mohsin Naqvi Sad Ghazals

Kabhi jo char gai yaad-e-raftgan Mohsin

Bikhar gai hain nigahen kahan kahan Mohsin

Hawa ne raakh urai to dil ko yaad aya

Ke jal bhujen mere khwabon ki bastiyan Mohsin

Kuch asey ghar bi miley jin ma ghoongton ke awaz

Hui hain dafan dupatton ma larkiyan Mohsin

Khandar ha ehd-e-guzashta na choo na cher isey

Khulen to band na hon is ki khirkiyan Mohsin

Bujha ha kon sitara ke apni aankh ke sath

Huwe hain sare manazir duwan duwan Mohsin

Nahi ke us ne ganwaye hain maah-o-saal apne

Tamam umar kati yun bi rayegan Mohsin

Mila to or bi taqseem kar gya mujh ko

Sametni thi jisey meri kirchiyan Mohsin

Kahen se us ne bi tora ha khud se rabt-e-wafa

Kahen se bhool gya ma bi daastan Mohsin

Tags:

• log,
• patte,
• rang,
• sad love poetry,
• urdu
• Sonia Akmal Qureshi
• Designed Urdu Poetry
• urdu-shairy.com
• Best Urdu Poetry
• Ghazal's
• Ghazals With Video
• Urdu Poetry
• 2 Line Urdu Poetry
• Sad Urdu Poetry
• UrduPoetryPoint
• Aqwal-e-Zareen
• Urdu Quotes
• Imran Imee
• sad poetry
• Qateel Shifai
• SMS Poetry
• 2 Line poetry
• Dard Poetry
• Ibn-e-Insha
• 4 Line Urdu Poetry
• Jon Elia
• AllaMa IqBal
• Design Ghazal
• Wafa Poetry
• love poetry
• Abbas Tabish
• Ahmad Faraz
• Aitbar Sajid
• Ishq Poetry
• Night Urdu Poetry
• Romantic Urdu Poetry
• Aansoo Shairy
• Mirza Ghalib
• Punjabi Poetry
• Jumma Mubbarik
• Sad Ghazals
• Short Urdu Stories